ҮНДЭСНИЙ ХУРИМТЛАЛЫН ХӨТӨЛБӨР

Та доорх нөхцөлүүдтэй танилцаж зөвшөөрнө үү.

1. Харилцагч нь Голомт банкны /цаашид “Банк” гэх/ харилцах дансны ерөнхий нөхцөлийн дагуу харилцах данс нээлгэхээр зөвшөөрсөн.

2. Харилцагч нь Банкны харилцах данс, картын ерөнхий нөхцөлтэй бүрэн танилцаж, зөвшөөрсний үндсэн дээр холбогдох бичиг баримтыг бүрдүүлэн карт захиалж болно.

3. Харилцагчийн өөрийн болон бусад банкны буруутай үйл ажиллагаанаас болж Харилцагчийн төлбөр тооцоо саатсан, түүнд хохирол, зардал учирснаас үүдэн гарах хариуцлагыг Банк хүлээхгүй.

4. Банк нь Харилцагчийн дансан дахь мөнгөн хөрөнгийг бүрэн байлгаж, түүний банкин дахь харилцах (хадгаламж) дансны үлдэгдэлд багтаан мөнгөн хөрөнгийн төлбөр тооцооны шилжүүлэх гүйлгээг түүний тавьсан анхны шаардлагаар гүйцэтгэх ба харилцах дансны үлдэгдэл нь тухайн гүйлгээг хийхэд хүрэлцэхгүй болон бүрдэл дутуу баримтаас шалтгаалан гүйлгээ саатсанаас бусад этгээдэд учирсан хохирлыг банк хариуцахгүй.

5. Банк нь Харилцагчид үзүүлсэн үйлчилгээний хүү шимтгэл, хөлсийг үнэн зөв тооцож данснаас нь суутган авах эсхүл харилцагчаар төлүүлэх эрхтэй.

6. Банк нь Харилцагч, харилцагчийн үйл ажиллагаатай холбоотой нууцыг чанд хадгална.

7. Банк ерөнхий нөхцөлдөө өөрчлөлт оруулах тохиодолд нийтэд мэдээлсэнээс хойш 30 хоногийн /календарийн хоногоор/ дараа мөрдөх бөгөөд харилцагч энэхүү нөхцөлийг зөвшөөрөхгүй бол гэрээг дуусгавар болгож болно.

9. Энэхүү гэрээг хэрэгжүүлэх явцад гарах аливаа маргааныг талууд зөвшилцөх замаар шийдвэрлэх ба ингэх боломжгүй тохиолдолд шүүхээр шийдвэрлүүлнэ.

10. Харилцагч харилцах дансаа хаалгах хүсэлт гаргасан тохиолдолд гэрээ дуусгавар болно.

11. Дээрх нөхцөлийг зөвшөөрсөн нь Банк, Харилцагч нар Монгол Улсын Иргэний Хууль, Банкны тухай хууль, Банк, эрх бүхий хуулийн этгээдийн мөнгөн хадгаламж, төлбөр тооцоо, зээлийн үйл ажиллагааны тухай хуульд нийцүүлэн харилцан тохиролцсонд тооцох ба баталгаат гарын үсэг зурсантай адил хүчинтэйд тооцно.

ГОЛОМТ БАНК

ХУРИМТЛАЛЫН БҮТЭЭГДЭХҮҮНИЙ ГЭРЭЭ

Нэг. Нийтлэг үндэслэл

1.1. Энэхүү хуримтлалын бүтээгдэхүүний гэрээ Монгол Улсын “Иргэний хууль”, “Банк, эрх бүхий хуулийн этгээдийн мөнгөн хадгаламж, төлбөр тооцоо, зээлийн үйл ажиллагааны тухай хууль”–ийг үндэслэн дараах нөхцөлтэйгээр харилцан тохиролцож байгуулав.
1.2. Талууд дараах гол нөхцлүүдийг харилцан тохиролцов. Үүнд:
1.2.1. Нэг талаас (цаашид “банк” гэх): Голомт банк
1.2.2. Нөгөө талаас (цаашид “хадгалуулагч” гэх): __________________овогтой____________________ (Регистрийн дугаар: ______________)
1.2.3. Хамтран эзэмшигч: (цаашид “хадгалуулагч” гэх): __________________овогтой____________________ (Регистрийн дугаар: ______________)
1.2.4. Бүтээгдэхүүний нэр төрөл: Хуримтлалын бүтээгдэхүүн
1.2.5. Дансны дугаар:
1.2.6. Данс нээлгэх мөнгөн дүн: _________________/тоогоор/____________________________________________/бичгээр/
1.2.7. Хугацаа: 12 сар
1.2.9. Урамшуулал олгох нөхцөл: Хуримтлалын нийт өгөөж Суурь хүү + Урамшуулал

* Суурь хүүг хадгалуулагч сар бүр тогтмол дүнгээр хуримтлал үүсгэж чадаагүй тохиолдолд хадгаламжийн нийт мөнгөн дүнд бодогдох хүүг ойлгоно.

1.3. Энэхүү гэрээнд тусгагдаагүй бусад нөхцөлийг банкны нийтэд зарласан ерөнхий нөхцөлийн дагуу мөрдөх ба хадгалуулагч хүлээн зөвшөөрч гэрээ байгуулсан болно.
1.4. Хуримтлалын бүтээгдэхүүний нэг өдрийн хүүг тооцохдоо жилийн хүүг 365 хоногт хувааж, нийт хүүг тооцохдоо хадгалуулсан хоногоор үржүүлнэ.

Хоёр. Хүү, урамшуулал олгох нөхцөл

2.1. Энэхүү гэрээний 1.2.9-д заасан дүнгээр сар бүр орлого хийсэн тохиолдолд хугацааны эцэст хуримтлагдсан хүүн дээр нэмж 1.2.9-д заасан урамшуулал мөнгөн дүн буюу хувиар илэрхийлбэл 15.6%-ийн өгөөж олгоно.
2.2. Хадгалуулагч нь 1.2.9-д заасан сар бүр тогтмол хийх орлогоо зөвхөн 1 удаа алдсан буюу огт хийгээгүй эсвэл дутуу хийсэн үед үлдсэн саруудын аль нэгэнд нь 1.2.9-д заасан бүтэн дүнгээр орлогоо нөхөж хийгээд орлого алдсанаас хойш алгасалгүй тогтмол хуримтлуулсан бол 1.2.9-д зааснаар урамшуулал олгоно.
2.3. Хэрэв энэхүү гэрээний 2.1-д заасан нөхцөлийг хангаагүй эсхүл гэрээний 2.2-т заасны дагуу нөхөн байршуулж тогтмол хуримтлал хийгээгүй бол урамшуулал мөнгөн дүнг олгохгүй. Зөвхөн хуримтлагдсан суурь хүү болох 2.4%-ийн хүүг дансанд оруулна.
2.4. Сар бүр хийх орлогыг тухайн сард хувааж хийж болно.
2.5. Данс нээлгэхдээ хийсэн мөнгөн дүнг /анхны орлогыг/ эхний сарын орлогод тооцно.
2.6. Сар бүр орлого хийх хугацааг календарийн өдрөөр тооцно. Жишээ нь: 10-р сарын 25-нд данс нээсэн бол 10-р сарын 31-ний дотор эхний сарын орлогыг хийх шаардлагатай. Хадгаламжийн 2 дахь сарын орлогыг 11-р сарын 01-ээс 11-р сарын 30-ны хооронд хийсэн байна.
2.7. Гэрээний хугацаа дуусах өдрөөс 5 хоногт хадгалуулагчийн хадгаламж pending төлөвтэй байх ба энэ хугацаанд хадгалуулагч хадгаламжийн хугацаа сунгах, зарлага гаргах боломтжой байх ба 5 хоногийн дараа хадгалуулагчийн хадгаламж анх гэрээ байгуулах үед сонгосон бүтээгдэхүүнээр авто сунгагдана.
2.8. Хадгалуулагч хугацаа дуусахаас өмнө зарлага гаргах тохиолдолд гэрээг цуцалж, данс хаагдах ба зөвхөн данс хаагдах үеийн ерөнхий нөхцөлийн дагуух бууруулсан хүүг тооцон олгоно.
2.9. Банкны тогтоосон хүүгийн хувь, урамшууллын хэмжээ өөрчлөгдсөн тохиолдолд хугацаа дуусах хүртэл хадгалуулсан мөнгөн дүн, орсон орлогод энэхүү гэрээгээр тохиролцсон нөхцөлийг баримтална. Харин гэрээний хугацаа дуусч цааш сунгах тохиолдолд өөрчлөгдсөн нөхцөлөөр тооцож эхэлнэ.

Гурав. Талуудын эрх, үүрэг

3.1. Хадгалуулагчийн эрх, үүрэг:
3.1.1. Мөнгөн хадгаламжийг хамтран эзэмших, өвлүүлэх, гэрээслэх, бэлэглэх, шилжүүлэх, итгэмжлэл гаргах эрхтэй.
3.1.2. Мөнгөн хадгаламжийн гүйлгээ, үлдэгдлийг дансны хуулга болон хадгаламжийн дэвтэртэйгээ тулган шалгах эрхтэй.
3.1.3. Уг хадгаламжийн дансыг үндсэн эзэмшигч болон хамтран эзэмшигч аль аль нь банкны дурын салбар дээр очиж сунгах, цуцлах, хаах, банкны журамд заасан нөхцөлийн дагуу хадгаламж барьцаалсан зээл авах эрхтэй.
3.1.4. Дансаа хаалгах, зарлагын гүйлгээ хийлгэхдээ иргэний цахим үнэмлэх(гадаад паспорт)-ээ заавал авч ирэх үүрэгтэй.
3.1.5. Хадгаламжийн мэдээлэл, дэвтэр, цахим үнэмлэхээ гээсэн тохиолдолд нэн даруй банкинд мэдээлэх үүрэгтэй. Мэдэгдээгүйгээс үүсэх аливаа эрсдэлийг банк хариуцахгүй.
3.2. Банкны эрх, үүрэг:
3.2.1. Данс нээх үед хадгалуулагчид хуримтлалын бүтээгдэхүүний онцлог, нийтэд зарласан бусад нөхцөлүүдийг мэдээлэх үүрэгтэй.
3.2.2. Гэрээнд заасны дагуу хүү бодож, нөхцөл хангасан тохиолдолд урамшуулал олгох үүрэгтэй.
3.2.3. Хадгалуулагч дансаа хаалгахаар ирэхдээ цахим үнэмлэхгүй эсвэл гарын үсгийн маяг зөрүүтэй тохиолдолд банк гүйлгээ хийхээс татгалзах эрхтэй. Дээрх шалтгаанаар гүйлгээ хийгдээгүйн улмаас хадгалуулагч болон гуравдагч этгээдэд учирсан хохирлыг банк хариуцахгүй.
3.2.4. Хуульд зааснаас бусад тохиолдолд зөвхөн хадгалуулагчийн зөвшөөрлөөр дансыг хаах болон битүүмжлэнэ.
3.2.5. Хадгалуулагч болон түүний хуримтлалын бүтээгдэхүүний данстай холбоотой мэдээллийг хуульд зааснаас бусад тохиолдолд бусдад задруулахгүй байх үүрэгтэй.

Дөрөв. Бусад үйлчилгээ

4.1. Easy info үйлчилгээ: /Үнэ төлбөргүй/
4.1.1. Банк нь Хадгалуулагчийн банкинд бүртгэлтэй утасны дугаар, и-мэйл хаяг руу сар бүрийн орлого хийгээгүй сард орлого хийхийг сануулж мессэж болон и-мэйл илгээнэ.
4.1.2. Хадгалуулагчийн банкинд бүртгэлтэй утасны дугаар, и-мэйл хаяг руу сар бүрийн орлогоо хийгээгүй алдсан бол дараа сард нь урамшуулал алдсанг сануулж мессеж болон и-мэйл илгээнэ.
4.2. Захиалгат шилжүүлэг үйлчилгээ: /Үнэ төлбөргүй/

Тав. Бусад зүйл

5.1. Гэрээ нь талууд гарын үсэг зурж баталгаажуулснаар хүчин төгөлдөрт тооцогдоно.
5.2. Аль нэг талын бичгээр ирүүлсэн хүсэлтээр гэрээний нөхцөлд нэмэлт өөрчлөлт оруулах шаардлага гарвал талууд харилцан тохиролцож, зөвшилцсөний үндсэн дээр гэрээнд хавсралт байдлаар тусгах бөгөөд эдгээр нь гэрээний салшгүй хэсэг байна.
5.3. Гэрээнд тусгагдаагүй бусад асуудлыг Монгол Улсын холбогдох хууль тогтоомжийн дагуу зохицуулна.
5.4. Гэрээтэй холбогдон үүсэх аливаа маргааныг талууд эв зүйгээр зохицуулахыг эрмэлзэх бөгөөд ингэх боломжгүй нөхцөлд шүүхийн журмаар шийдвэрлүүлнэ.

ГОЛОМТ БАНК

Овог:

Нэр:

Регистер дугаар:

Имэйл:

Утас:

Харилцагч таны хувийн мэдээлэлд өөрчлөлт орсон бол Голомт банкны дурын салбарт хандах эсвэл өөрийн интернэт банкны эрхээр нэвтрэн орж хувийн мэдээллээ шинэчилнэ үү.
Хувийн мэдээллээ шинэчлээгүйн улмаас харилцах, хадгаламжийн данс нээгдэхгүй байх эсвэл хаагдах зэрэг аливаа асуудлаас үүдэх харилцааг банк хариуцахгүй болно.

ГОЛОМТ БАНК